Nuus met méning!
Klik op die advertensies

Klik hier vir advertensietariewe – en vir wat mense oor OO sê

Volg OO op twitter: oudtshoorno

Oudtshoorn. 27 Januarie 2012. 10h20. Volgens die vryskutjoernalis Tisha Steyn, wat die Slightly Weird Conference van Ranger Grebe en sy profeet wat dooies lewendig kan bid elke aand vir vier aande bygewoon het, het ‘n knerts meer as 1,000 mense die verrigtinge bygewoon – in tótáál… dis so 250 mense per dag.

Steyn sê daar was so 300 die eerste drie aande en so 800 die laaste aand. Maar op OO se vraag of dit dan sowat 1,500 na net onder 2,000 beteken, het sy gesê ek moet liefs by 1,000 hou.

‘n Duisend mense deur die hekke!

Dis ‘n uiters konserwatiewe skatting dat 50% van dié mense elke aand bygewoon het. Dit beteken dat 750 mense, ten béste, aan die standerdvierklong van Dysselsdorp se “projek” deelgeneem het.

Dis 0.7% (punt sewe persent) van die populasie van die groter Oudtshoorn – 7 uit elke duisend inwoners het aan die “projek” deelgeneem.

‘n “Projek” wat Oudtshoorn se belastingbetalers R60,000 gekos het!

Al die kerke in die groter Oudtshoorn kon seer sekerlik saamgespan het om ‘n Sondagdiens aan “eenheid in die groter Oudtshoorn” te wy en derduisende mense bereik het. En dit sou net die gewone kollekte gekos het – wat elke deelnemer vrywilliglik uit sy éie sak sou moes gehaal het.

R60,000 om 750 mense te inspireer om hande te vat en ‘n patetiese raad te ondersteun!?

Asseblêddieblieftog!

Daai klein twak (verskoon die lang woord) – die uitvoerende verleentheid van die groter Oudtshoorn, Gordon April – en sy jammerlike burgemeesterskomitee kan nie ‘n kinderglimlag in ‘n speelgoedwinkel ôrghinaais nie.

Klik hier om ‘n e-pos te ontvang wanneer daar ‘n nuwe berig op OudtshoornOnline verskyn

Klik hier om op OO te adverteer

Klik hier om terug te gaan na die OudtshoornOnline voorblad

Nuus met méning!
Klik op die advertensies

Klik hier vir advertensietariewe – en vir wat mense oor OO sê

Volg OO op twitter: oudtshoorno

Oudtshoorn. 27 Januarie 2012. 06h10. Die Wes-Kaapse minister van plaaslike regering, Anton Bredell, ontmoet môreoggend, Saterdag, op George met al die Eden-munisipaliteite se DA-raadslede.

Oudtshoorn se raadslede het ‘n aparte vergadering met Bredell aangevra en sal die minister vir ‘n uur spreek voordat die distriksvergadering om 09h00 begin.

Dit is kommerwekkend dat Bredell nie die vergadring aangevra het nie en aanduidend van die provinsiale regering se traak-my-nie-agtige houding oor Oudtshoorn.

Die DA-leierskap se weersin in Oudtshoorn is lank reeds ‘n onderwerp van steurende spekulasie en selfs goedige gespot in ingeligte kringe.

Sedert die paleisrewolusie (of dan eerder, die waghuisrewolusie by een van die kleiner voorraad-ingange) oor die destydse OD-onderburgemeester, Jeffrey Swartbooi, in 2007, toe Pierre Nel uiteindelik deur die DA se federale raad vrygespreek is, is die Zille-kader kil jeens Oudtshoorn.

Die verhouding het ook weens die aanstelling van Noël Pietersen verder versleg.

Dié houding is ook waarskynlik ‘n funksie van ‘n ander ope geheim: dat die voormalige DA-leier, Tony Leon, ‘n beduidende weersin in Nel gehad het.

En deesdae gaan dit oor OO – Helen Zille verklaar gereeld dat Oudtshoorn se probleme voor OO se deur gelê moet word, soos onlangs weer, op twitter.

Dat iemand met sulke verregaande en oningeligte oortuiginge die leier van die opposisieparty kan wees, is onrusbarend.

‘n Uitgesproke raadslid in een van die Eden-munisipaliteite het vandeesweek aan OO beken dat hy meen môre se “Bredell-kursus”, netjies opgetooi in ‘n goedkoop tuxedo, is maar net ‘n verskoning vir ‘n “uik@ksessie”.

Asof Bredell iets het om oor te kla!

‘n Baie senior amptenaar in die Wes-Kaapse regering het vroeër vandeesmaand aan OO gesê dat Bredell die probleem in die Wes-Kaap is.

OO stem saam en het dit al male sonder tal berig – nes die befaamde Noseweek ook.

Bredell in Eden. Was daar nie ‘n onwelkome karakter in die eerste Eden óók nie? En dáárdie event het die ganse mensdom glo bevark…

Klik hier om ‘n e-pos te ontvang wanneer daar ‘n nuwe berig op OudtshoornOnline verskyn

Klik hier om op OO te adverteer

Klik hier om terug te gaan na die OudtshoornOnline voorblad

Incisive insight!
Click on the ads

What readers say about OO

Follow OO on twitter: oudtshoorno

Oudtshoorn. 26 January 2012. 15h10.

The Municipal Manager
Mr Thandekile Mnyimba
Oudtshoorn

Dear Mr Mnyimba

Your silence on critical issues, subsequent to numerous failed attempts to reach you by telephone and several attempts to elicit some semblance of reaction by sms, is appalling.

How do you explain the three payments of R9,583.33 each to Mpho Mogale, in flagrant disregard of CoGTA’s recommendation? And more to the point, what are you doing about this outrage?

How do you explain the R313,267.99 paid to Avontuur & Genote? And more to the point, what are you doing about this outrage?

How do you explain the mismanagement of the Allen Paulse High Court application? And more to the point, what are you doing about this outrage?

How do you explain the appointment of Mr. Hardy Mills as Council in the Allen Paulse matter? And more to the point, what are you doing about this outrage?

How do you explain my banning from municipal property? And more to the point, what are you doing about this outrage?

The Paulse Application portrays your credentials for MM as insufficient and I daresay that your 22-day tenure to date speaks loudly to this depiction.

Explain yourself and the insidious actions of your staff!

Yours

Drewan Baird
Publisher
OudtshoornOnline
Independent & Intrepid
www.oudtshoornonline.wordpress.com
082 354 2050
@OudtshoornO

Click here to receive updates.

Advertise on OO!

Click here to return to the title page.

Nuus met méning!
Klik op die advertensies

Klik hier vir advertensietariewe – en vir wat mense oor OO sê

Volg OO op twitter: oudtshoorno

Oudtshoorn. 26 Januarie 2012. 07h30. Mpho Mogale se betaling aan Avontuur en Genote, waaroor OO reeds op 10 Januarie berig het, is ‘n enorme probleem vir die raad.

Die munisipale bestuurder is erg bekommerd oor die saak en ‘n skerp klerk het gister letterlik met ‘n oor teen die deur gehoor hoe Mnyimba aan ‘n kollega erken “there is big shit about that payment, about the lawyers”.

Die munisipaliteit se doodse stlte oor hierdie R313,267.99-betaling is afdoende bewys van die ongeldigheid van die transaksie.

Nie minder nie as drié raadslede het reeds die dokumentasie oor hierdie transaksie amptelik deur die speaker se kantoor versoek – en is geweier.

Dit is ondenkbaar dat ‘n raadslid inligting van hierdie aard geweier word en maar net nóg ‘n bewys dat Oudtshoorn se ANC-raad géén respek het vir wet en orde nie en dat daar geen spráke is van skoon, deursigtige bestuur nie.

OO is al sedert 6 Januarie besig met ‘n ondersoek na die Avontuur-betaling.

Avontuur skuld belastingbetalers R622,640.39 en Mogale, getrou aan sy Nokeng-rekord, het in minagting van die SOE-bevindings en aanbevelings oor Avontuur, op 9 Desember nog R313,267.99 aan Avontuur betaal.

OO het net na 21h00 gisteraand ‘n laaste poging aangewend om Mnyimba ‘n geleentheid te gee om die raad se kant van die storie te vertel: “Mr Mnyimba, if you have anything to say about the Avontuur payment, now would be a really prudent time – I publish facts and documents by 08h00 tomorrow. Messy, aint it? Very messy.”

Mnyimba het nie op dié sms gereageer nie. Dít nadat OO gister vier maal probeer het om Mnyimba oor die betaling te vra.

Waarom nie iets so eenvoudig soos ‘n faktuur beskikbaar stel om so ‘n uiters verdagte betaling te verduidelik en die saak in die reine te stel nie?

Daar is slegs twee moontlike redes waarom die munisipaliteit die faktuur nie beskikbaar wil stel nie: die faktuur kan verdoemende inligting bevat, of… daar ís nie ‘n faktuur nie.

Mogale, in die afwesigheid van ‘n bestuursbesluit wat die Avontuur-betaling goedkeur, sal die R313,2267.99 uit sy éie sak moet terugbetaal, as Avontuur dit nie kan terugbetaal nie.

As Avontuur nie kan nie. Grappie.

OO het Mogale gisteraand per sms hieroor gepols, met afskrifte aan Mnyimba; die direkteur korporatiewe dienste, Francois Human; en die Wes-Kaapse ANC-leier, Marius Fransman: “Mr Mogale, what is your reaction to calls from Oudtshoorn that you repay the R313,267.99 you paid to Avontuur & Assoc?”

Raai wat? Niemand het gereageer nie!

Terwyl raadslede skarrel om dokumente te kry, publiseer OO vandag die rekwisisie vir die betaling aan Avontuur.

Mogale se handtekening, en dié van sy persoonlike assistent, Amy Sylvester, is die enigstes op die dokument.

Let daarop dat Mogale sommer beide as “Hoof van Dept.” én as “Stadstesourier” geteken het. Sylvester het die rekwisisie uitgereik.

Die DA-sweep, Chris MacPherson, het hierdie Avontuur-betaling aan die SOE gerapporteer nadat hy op OO daarvan gelees het. OO het ook die SOE op 9 Januarie van die betaling vertel.

Die ANC is besig om Oudtshoorn flenters te bestuur. Die ANC moet gekeer word.

Klik hier om ‘n e-pos te ontvang wanneer daar ‘n nuwe berig op OudtshoornOnline verskyn

Klik hier om op OO te adverteer

Klik hier om terug te gaan na die OudtshoornOnline voorblad

Nuus met méning!
Klik op die advertensies

Klik hier vir advertensietariewe – en vir wat mense oor OO sê

Volg OO op twitter: oudtshoorno

Oudtshoorn. 25 Januarie 2012. 15h30. Ek het die munisipale bestuurder, Thandekile Mnyimba, vandag om 07h41; 09h17; 10h24 en 11h51 sonder sukses geskakel en om 07h43 ‘n sms aan hom gestuur om my oproep te neem.

Ma’ Mnyimba hy prât nêks.

Toe stuur ek maar dié brief aan die grammadoelas-kader…

The Municipal Manager
Mr Thandekile Mnyimba
Oudtshoorn

Drewan Baird
Publisher
OudtshoornOnline
Independent & Intrepid
www.oudtshoornonline.wordpress.com
082 354 2050
@OudtshoornO

Daar is glo, se non è vero, è molto ben trovato, ‘n klein vluglose voëltjie wat in die graslande van Afrika hou en gekenmerk word aan die gereelde opfladdering, bo die grasse uit, met ‘n desperate uitroep: “Where the fawcawe; where the fawcawe!?” – die fawcawe voël.

Klik hier om ‘n e-pos te ontvang wanneer daar ‘n nuwe berig op OudtshoornOnline verskyn

Klik hier om op OO te adverteer

Klik hier om terug te gaan na die OudtshoornOnline voorblad

Nuus met méning!
Klik op die advertensies

Klik hier vir advertensietariewe – en vir wat mense oor OO sê

Volg OO op twitter: oudtshoorno

Oudtshoorn. 25 Januarie 2012. 08h50. Gemakstoelprotes is meer as aanvaarbaar, dis selfs verkieslik.

Die inwoners van Oudtshoorn het reeds op 18 Mei verlede jaar genoegsaam geprotesteer toe 50.8% van Oudtshoorn se kiesers vir die DA en Cope gestem het.

Daar word algemeen aanvaar dat ‘n beduidende aantal van hierdie kiesers bloot téén die ANC gestem het en nie noodwendig vír die DA nie.

Maar hoe dit ook al sy, meer as die helfte van Oudtshoorn se kiesers, al was dit tóé net-net, wil die ANC nié in beheer van Oudtshoorn hê nie.

Die hoogheilige DA-leierskap het in die dae en weke na 18 Mei verseker dat die NPP in die ANC se arms gedryf word en dat ‘n ANC-koalisie Oudtshoorn regeer.

En nou staan Helen Zille en haar kornuite terug met die armpies kordaat oor uitgestote borsies gevou en weet te vertel dat Oudtshoorn die regering het wat Oudtshoorn verdien.

Dis arrogant.

Maar dis veral váls.

Na alles wat OO sedert November 2008 geskryf het, vandag dít:

Oudtshoorn se mense het kláár geprotesteer. By die stembus, soos dit in ‘n demokrasie hoort.

Elf raadslede verteenwoordig die 50.8% van Oudtshoorn se inwoners wat geweet het dat die ANC nie met die bestuur van Oudtshoorn vertrou kan word nie.

Al wat die “508-groep” nou hoef te doen is om te sorg dat Julia le Roux, Pierre Nel, Diane de Jager, Peter Roberts, Raymond Wildschut, Danie Fourie, Wessie van der Westhuizen, Ben van Wyk, Chris MacPherson, Felicity Magxaka, Ewa Fortuin en John Maxim hulle vér-téén-wóór-díg!

OO het al verskeie male oor die DA se pligversuim en inherente onvermoë berig – klik hier.

Al wat die burgery wat vir die DA gestem het moet doen, is om Julia, Pierre, Diane, Peter, Raymond, Danie, Wessie, Ben, Chris, Felicity, Ewa en John sover te kry om Helen Zille, Theuns Botha en Anton Bredell sover te kry om hulle joppe te doen.

En daardie lamsakkige verskoning dat arme Bredell nie sy wetlike verpligting kan nakom om in te gryp wanneer hy slegs vermoed dat wanadministrasie voorkom nie, is ongebreidelde twak. En twak is tog so ‘n lang woord, soos OO-lesers al weet.

Die “argument” (lees “twaksleg verskoning”) is dat die nasionale ANC-regering Bredell se beste pogings sal fnuik.

Snert! ‘n Deurdagte strategiese plan en parate taktiese implementering sál die gewenste uitkoms hê. Dit kos net ‘n bietjie inspanning.

(Bredell het Overberg-saak, waaragter hy bewerig skuil, nie verloor omdat die ANC hom uitoorlê het nie; Bredell het die Overberg-saak verloor omdat hy nie ‘n sáák gehad het nie – regter Bozalek het hom só gesê! Bredell het verbróú. Púnt!)

As dit kwansuis maklik moet wees voordat probeer word, waarom het ons skerp leiers soos Helen en Theuns en Anton nodig? Hulle talente sal iets verskrikliks vermors wees op maklike goedjies!

Julia, Pierre, Diane, Peter, Raymond, Danie, Wessie, Ben, Chris, Felicity, Ewa, John… Vat hom Flaffie! Die tyd vir verskonings is verby – doen julle werk!

Die 508′s kan só help: Wanneer daar eersdaags ‘n beroep kom om belasting te weerhou, ondersteun dié inisiatief en dwing die vrotsleg senior Verwoerdpleinbestuur en daai klein twak (verskoon die lang woord) – die uitvoerende verleentheid van die groter Oudtshoorn, Gordon April – se jammerlike burgemeesterskomitee, op hulle se kniekies.

Klik hier om ‘n e-pos te ontvang wanneer daar ‘n nuwe berig op OudtshoornOnline verskyn

Klik hier om op OO te adverteer

Klik hier om terug te gaan na die OudtshoornOnline voorblad

Nuus met méning!
Klik op die advertensies

Klik hier vir advertensietariewe – en vir wat mense oor OO sê

Volg OO op twitter: oudtshoorno

Drewan Baird. Oudtshoorn. 24 Januarie 2012. 15h50. ‘n Munisipale sekuriteitswag het my knap voor die DA se mediakonferensie vanoggend begin het aangesê om die munisipale gebou te verlaat, in opdrag van die munisipale bestuurder, Thandekile Mnyimba.

Ek het geweier en die wag wou handgemeen raak voordat raadslede Johan Fourie, Peter Roberts en Pierre Nel ingegryp het en Chris MacPherson die wag uiteindelik van sy voorneme laat afsien het.

Mpho Mogale het my ook verlede jaar uit die raadsaal laat verwyder.

Ek het Mnyimba om 12h28, net nadat ek die mediakonferensie verlaat het, ge-sms: “Mr Mnyimba, I was told by a guard that you ordered me out of the Council Building. I did not leave. Did you issue the order, and if you did, why did you issue the order?”

Ek het geen reaksie ontvang nie.

Toe bel ek Mnyimba. Om 12h45. Die foon het lank gelui en toe oorgeskakel na ‘n ander luitoon. Na ‘n paar van dié luie het ‘n vrouestem geantwoord… Me Marsha Malgas, Mnyimba se persoonlike assistant op Jansenville, die gehuggie waar hy gewerk het voordat die ANC hom hierdie “groot jop” op Oudtshoorn gegee het.

Ek meen as Mnyimba ná bykans 4 weke nog nie sy selfoon na sy nuwe kantoor laat herlei nie hy gerus maar in sy groot swart Audi viertrek kan klim en teruggaan grammadoelas toe waar hy vandaan kom.

Om 13h50 en 14h47 het ek weer probeer, maar Mnyimba het nie geantwoord nie en ek wou nie weer die vriendelike Me Malgas praat nie.

Om 14h48 sms ek Mnyimba só: “Mr Mnyimba, when is a convenient time for you to taake my call. Please respond.”

Mnyimba is steeds grafstil.

Ek het Mnyimba se persoonlike assistant, Me Amy Sylvester, wat my “meneer Bird” noem, om 15h27 gebel, maar sy het gesê dat haar baas tans baie besig is en nie my oproep kon neem nie. Ek het my nommer gelaat en gevra dat Mnyimba my terugbel en gesê dat die saak nie sal verdwyn as hy my nié bel nie.

Ek kan maar net lag.

Hierdie hoenderbors kadertjies wat grootmeneer agter sekuriteitsstelsels en wagte skuil, maar nie die moed het om eens in ‘n gesprek betrokke te raak nie.

Lagwekkend.

Oudtshoorn se belastingbetalers betaal R10m (tien miljoen rand) per maand aan salarisse vir die spul in die munisipaliteit en dié lot kan nie eens ‘n telefoonoproep neem nie!

Berge val op ons; heuwels bedek ons!

Klik hier om ‘n e-pos te ontvang wanneer daar ‘n nuwe berig op OudtshoornOnline verskyn

Klik hier om op OO te adverteer

Klik hier om terug te gaan na die OudtshoornOnline voorblad

Nuus met méning!
Klik op die advertensies

Klik hier vir advertensietariewe – en vir wat mense oor OO sê

Volg OO op twitter: oudtshoorno

Oudtshoorn. 24 Januarie 2012. 15h50. Die DA-sweep, Chris MacPherson, het vanoggend tydens ‘n DA mediakonferensie kaalvuis onder die burgemeester, Gordon April, ingeklim.

MacPherson het gesê dat die DA goeie samewerking kry van die ANC-koalisie en dat daar goeie wisselwerking tussen die DA en die koalisie is, maar dat April se teenwoordigheid die sop suur maak.

“Een ding is nodig: Gordon April moet sy tasse pak en loop. As hy die integriteit het wat ‘n burgemeester moet hê, sal hy gaan”, het MacPherson gesê.

April se doen en late is nie betaamlik vir ‘n burgemeester nie en sy teenwoordigheid stuur ‘n verkeerde boodskap aan die amptenary. Die politieke inmenging wat April in die burgemeesterstoel hou is betreurenswaardig, het MacPherson bygevoeg.

Oor die nuwe munisipale bestuurder het MacPherson gesê dat hy aandagtig luister en dat dit voorkom asof hy probleme wil aanspreek.

OO verneem egter betroubaar dat Mnyimba met verbasing reageer wanneer sy verpligtinge in terme van munisipale wetgewing, sowel as die sanksies waaraan hy onderworpe is indien hy in gebreke sou bly om sy pligte na te kom, aan hom gestel word.

MacPherson het sy kommer uitgespreek oor ongemagtigde uitgawes wat binne 60 dae deur die raad goedgekeur moet word, of van die betrokke amptenaar of politieke funksionaris wat die uitgawes gemagtig het, verhaal moet word.

Finansiële bestuur is volgens MacPherson ‘n enorme leemte… In die eerste ses maande van die boekjaar is daar byvoorbeeld nie ‘n sent op kapitaalprojekte bestee nie. Dít is n gruwelike pligsversuim en kom neer op ‘n algehele gebrek aan dienslewering.

Net so spog die administrasie dat personeelkoste binne die beplande parameters is, maar daar is steeds kritise poste wat nie gevul is nie! Ook dít, sê macPherson, kom neer op ‘n gebrek aan dienslewering.

Bedenklike kontrakte – soos Lefatshe en TOPS- en enorme regsrekeninge vir hofgedinge kniehalter die raad ook.

MacPherson het verwys na die 76 vrae wat die DA al ses maande gelede aan die burgemeester oorhandig het en wat volgens die ordereëls “op die volgende vergadering” moes dien, en na die DA se mosies van wantroue in die burgemeester, obder-burgemeester en speaker, wat ook al máánde lank agterstallig is.

Ilse Schoonraad, van die Oudtshoorn Courant, wou weet wat aan die situasie gedoen kan word.

Raadsheer Pierre Nel het gesê dat volgehoue burgerlike druk op die raad en die provinsiale en nasionale regerings die manier is om Oudtshoorn se probleme aan te spreek.

Klik hier om ‘n e-pos te ontvang wanneer daar ‘n nuwe berig op OudtshoornOnline verskyn

Klik hier om op OO te adverteer

Klik hier om terug te gaan na die OudtshoornOnline voorblad

Nuus met méning!
Klik op die advertensies

Klik hier vir advertensietariewe – en vir wat mense oor OO sê

Volg OO op twitter: oudtshoorno

Oudtshoorn. 24 Januarie 2012.

10h45. Die mediakonferensie begin om 11h00.

11h00. Nog niks. Die DA is te lank aan ANC-tyd blootgestel. Die virus eis sy tol.

11h03. Nou’s die media afwesig.

OO word deur ‘n windgat-wag gebied om die gebou te verlaat. Sy moer. OO sit in die DA-vertrek.

Die boonste deur van die gebou is toe – “kan nie oop nie”. Daarom is die ander media glo laat.

11h09. Ons begin. Die koukusleier, Diane de Jager, heet die media welkom en stel Chris MacPherson aan die woord.

11h13. Oudtshoorn kan gered word as Gordon April verwyder word, aldus MacPherson.

11h25. Finansies; kontrakte kommerwekkend, sê MacPherson. OO sal later oor die besonderhede berig.

11h33. Groot kommer oor regskoste.

11h40. Vraetyd. OO berig later hieroor.

12h00. Die media verlaat die vergadering; OO het nog vrae.

12h20. die vergadering verdaag.

Klik hier om ‘n e-pos te ontvang wanneer daar ‘n nuwe berig op OudtshoornOnline verskyn

Klik hier om op OO te adverteer

Klik hier om terug te gaan na die OudtshoornOnline voorblad

Nuus met méning!
Klik op die advertensies

Klik hier vir advertensietariewe – en vir wat mense oor OO sê

Volg OO op twitter: oudtshoorno

Oudtshoorn. 24 Januarie 2012. 10h15. Hier is die DA Jeug studente-organisasie (DASO) se nuwe plakaat wat eersdaags op kampusse gaan verskyn.

Ek lááik dit!

Dis ‘n uitstékende plakaat!

Dit lyk perdalkies na ‘n verwerpte Benetton-ad uit die 80′s, maar ek meen dit behoort die kol te tref, by wyse van spreke.

Vir ongekende politieke eerlikheid vat dié plakaat egter die koek: genjaps gaan iémand genjáps word!

Dís ‘n politieke gegéwe!

Welgedaan DA Jeug.

Baie deursigtig!

En ‘n erkenning dat die keiser, en bepaald, in die DA se geval, die keiserín, poedelnákend káál is.

Klik hier om ‘n e-pos te ontvang wanneer daar ‘n nuwe berig op OudtshoornOnline verskyn

Klik hier om op OO te adverteer

Klik hier om terug te gaan na die OudtshoornOnline voorblad